TABARBAREWAR ILIMI A NAJERIYA

DALILAN DA SUKASA ILIMI YA TABARBARE A NIGERIA🇳🇬

Duniya ta yarda ta amince cewar, babu wani aiki dayake da muhimmanci irin aikin koyarwa munaso ko bamaso domin kuwa a makarantane ake samarda silar taka kowanne mataki dayake da muhimmanci kama daga kan likitoci,injiniyoyi, alkalai, 'yan siyasa, 'yan kasuwa Dasauransu duk suna karkashin malami.
Amma saidai wani abun mamaki da takaici harkar koyarwa itace koma baya awannan kasa, wanda zamu iya danganta hakan da wadannan dalilai:

-Na farko wannan matsalar kaso 80% daga gwamnatine wanda itace ta cirema al'umma sha'awar aikin koyarwa sabida halin burus da take yima fannin.
Ba'a warema harkar ilimi kaso mafi tsoka da za'a kulada fannin kama daga kan muhallinda dalibai zasu zauna su koyi karatu da samarda isassun kayan aiki da zasu taimakawa malamai da dalibai , gashi malamai basa samun albashi yadda ya kamata, albashinsu ko abinci baya biya masu bare sauran hidimar yau da kullum kawai ana dan tsutsura masu ne, Akarkashin wannan ya haifarda rashin koyarwa yadda ya kamata, Rashin zuwa makaranta akan lokaci, sa6ama ka'idar koyo da koyarwa daga kan malamai zuwa dalibai, acikin wannan yanayi ne yasa dalibai basa samun tushe karatu mai kyau.

Bugu-da-kari wancan dalili ya haifarma dalibai rashin sha'awa na harkar koyarwa, idan zaka tambayi dalibai dari abinda sukeso su zama bazaka sami guda 5 da zasu za6i aikin koyarwa ba.

Mafi akasarin daliban dake karatu a kwalejojin koyarda ilimi a wannan kasa kaso 99% ba asan ransu suke shigarta ba, suna shigane sabida karancin guraben karatu da muke dasu da wahalar samun adimishin a jami'o'i, kai in takaice maka labari suma mafi akasari basa fatan su zama malamai sabida wadancan matsaloli dana lissafa. a haka aketa tafiya awannan kasa.

-Sannan suma iyaye suna bada gudunmawa wajen lalacewar ilimi awannan kasa, dalilina shine:
- rashin ko in kula ga iyayen yara musamman na kauyaku, basa kula da suturar yara, basa basu tallafi akaratunsu yadda ya kamata, basa bibiyar makarantun 'yayansu da tsarin yadda ake karantarda 'yayansu, basa tuntubar yaro idan ya dawo gida bare su taimaka masa da HOME WORK & EXTRA LESSON domin bunkasa ilimin dansu da sauransu.

Gwamti bata bawa abun muhimmanci ba, malamai basason harkar, dalibai suma basaso, a tunaninka ta yaya kake ganin za'a magance wadannan matsaloli?